اهلا وسهلا بيك فى منتدى شباب اون لاين
يا قمر سجل
ومش هقولك بقى انا جامد والكلام ده خش وشوف

medo zaid



 
البوابهالرئيسيةس .و .جبحـثالتسجيلدخول

شاطر | 
 

 هاملت 2008

اذهب الى الأسفل 
كاتب الموضوعرسالة
deshaelmagic
مشرف عام
مشرف عام
avatar

ذكر

عدد المساهمات : 562
تاريخ التسجيل : 02/09/2009

مُساهمةموضوع: هاملت 2008   الإثنين أكتوبر 05, 2009 11:30 pm

أمير الدانمارك

المشهد الأول
( أمام قصر السينور - محرم بك - الدانمارك )
( الحراس يقومون بحراستهم الليلية )




الحارس الأول : ولا
الثانى : أيه ؟
الأول : شايف أللى انا شايفه ؟
الثانى : شايف ايه ؟
الأول : واحد شبه المرحوم هاملت الكبير
الثانى : أنت عبيط ولا أهبل ولاشارب حاجة ؟
الأول : مش مصدق ؟ ده واقف هناك أهوه
الثانى : أى والله كلامك صح
الأول : شكله عفريت
الثانى ( وهو يكاد يبكى من الفزع ) : أجرىيالا........
وأخذ الأثنان فى الجرى وهما يصيحان :عفريت........عفريت




======================
المشهد الثانى
( الأمير هاملت يقف مع الحارسان ويكلمهم عما حدث فى الليلة السابقة )



هاملت : ايه يالا أنت وهوه أللى حصل أمبارح ده ؟
مش عارف اقعد مع المز.....أحم.......كان فيه اجتماع فى شئون الدولة أمبارح ومعرفناش نركز بسببكم
الحارس الأول : عفريت يابيه عفريت
الثانى : واحد شبه المرحوم والدك ربنا يطول عمره
هاملت : ولا....ماتعصبنيش........أبويا مات وشبع موت.......وعمى اجوز أمى....والبت أوفيليامعصلجة معايا.........وأنا مخنوق خلقة........متقرفنيش أكتر مانا مقروف
الأول : عليا الطلاق يا بيه هو ده أللى حصل
الثانى : ورحمة مراتى أللى قتلتها بايديادول هو ده أللى حصل
هاملت : طيب طيب ، أنا جاى النهاردة بليل أشوف الموضوع ،لكن ورحمة أبويا لو ماكنش فى عفريت حأقتلك أنت وهو فاهم يالا ؟
الأثنان بصوت واحد : حاضر يا سعادة البيه




=====================
المشهدالثالث
( أوفيليا مزًة هاملت تتحدث مع والدها )


الأب : بت يااوفيليا
أوفيليا : ايوة يابا ؟
الأب : سمعت أنك بتقفى مع الواد الصايع ( هاملت )
أوفيليا : مين قالك الكلام ده يابا ؟
الأب : مالكيش دعوة ، ردى على سؤالى بتقفى مع هاملت ولا لأ ؟
أوفيليا : أ..........أ..........أ..........أيوة يابابا
الأب : وبتقوليها فى وشى يا بنتالـ......... ، وبيتقفى مع المعفن ده ليه ياختى ؟
أوفيليا : بحبه يابابا
الأب : حبك برص وعشرة خرص ، حسك عينك أعرف أنك وقفتى معاه تانى ، فاهمة ولا لأ ؟
أوفيليا : فاهمة يابا


المشهد الرابع
( هاملت ومعه الحارسان جالسان فى إنتظار الشبح )


هاملت : الدنيا برد أوى ، فين الجوزة يالا ؟
الحارس الأول : ودى حاجة تتنسى ؟ موجودة يا معلـ........أه......موجودة يامولاى
هاملت ( بعد النفس الأول ) : كح..كح..كح ، إيه يابن الـ...... القرف ده ؟جبت الحشيش ده منين ؟ خد جتكم البلة فى مناظركم ، الساعة كام دلوقتى ؟
الحارس الثانى : الساعة 12 يا سعادة الباشا
هاملت : يعنى المفروض العفريت يكون هنا ، حأستنى ربع ساعة كمان ولو مجاش حتبقى ليلتكم أسود من شعر رأسكم
الحارس الأول : مولاى.....بُص ........ العفريت اهوه ....... ياما ......... إلحقينى ياما
( ويفر هارباً )
الحارس الثانى : إستنى ......... خدنى معاك
( ويفر هارباً هوالأخر )
هاملت : ولا يابن الـ........ أنت وهوه ....... ارجع هنا يا يالا..... ولا ....... ماتسيبونيش لوحدى معاه ....... ياما إلحقينى
( ويكاد يفر هاربا هوالأخر لولا أن سمع صوتاً )
الصوت : إستنى هنا يا هاملت
هاملت : الصوت ده مش غريب عليا
الصوت : أنا أبوك يا بنى
هاملت : ابويا ؟ أبويا مين يا عم الحاج؟أبويا مات
الصوت : أنا عفريت ابوك
هاملت : بلا عفريت أبويا بلا وجع قلب
الصوت : طيب ، أنا ح اثبت لك أنى عفريت ابوك ، الباسورد بتاع إيميلك 583
هاملت : بس ماتكملش ، أنا صدقت أنك عفريت ابويا ، أنت إيه أللى رجعك من تربتك يابا ؟
الأب : أستنى يابنى لما أخد نفسى ، هاتلى بيبسى
هاملت : بيبسى ؟ أماأنت عفريت معفن صحيح
الأب : خلاص مش عايز بيسبسى ، هاتلى سندوتش فول
هاملت : جرررررررررررررررر....................
الأب : خلاص ، مش عايز حاجة من وشك ،المهم أنا جايلك عشان تنتقملى
هاملت : ليه ؟ حد عملك حاجة يابويا ؟
الأب : أ.........
هاملت : أكلم
الأب : عـ...............
هاملت : أنطق
الأب : عمـ.......
هاملت : قول
الأب ( صائحا ) : أسكت أنت ، مش عارف أتكلم منك
هاملت : حاضر
الأب : طبعا أنت عارف أنى مت بجرعة مخدرت زايدة ،صح ؟
هاملت : صح ، الشعب الدانماركى كله عارف أنك كنت مدمن
الأب : الحقيقةأن عمك هو أللى قتلنى
هاملت : إيه ؟
الأب : أيوة ، عمك كان عايز يبقى ملك ،وكان عايز يجوز أمك ، وكان بيحقد عليا ، فبدل المخدرات بسم فران ، وأنا شربته ومت
هاملت : طب وأنت عايز منى إيه دلوقتى ؟
الأب : عايزك تنتقملى يابنى
هاملت : وأنا مالى ؟ هو أنا أللى مت ؟
الأب : يابنى انا أبوك
هاملت : أبوك على نفسك ، إمشى من قدامى ، انصرف
الأب : طيب يا هاملت ،إنسى إيميلك خالص، ح أغير الباسورد ، و ح أبعتلك فيروس على الجهاز ، سلام
هاملت : استنى ، خلاص هنتقملك ، بس أحلف انك مش حتغير الباسورد
الأب :
أحلف بسماها وبترابها
احلف بنجومها وأمجاده
أحلف بالمدنى وبالمدفع
أحلف بالـ............
هاملت : بس خلاص أسكت ، أنصرف
الأب : برضه مش حتجيب بيبسى ؟
هاملت : انصرف حالا .



( هاملت يجلس مع الحارسان فى حديقة القصر )

هاملت : فاكرين ليلة العفريت إياه ؟

الحارسان : أه فاكرين

هاملت : العفريت كان عفريت أبويا ، أبويا كان عايز ينتقم من عمى ، عشان عمى قتل أبويا وأجوز أمى ، فاهمين حاجة ؟

الحارسان : .............

هاملت : مش مهم ، أنا عايزكو تفكروا فى طريقة ننتقم بيها من عمى

الحارس الأول : أنا بقول نحطله حتة حشيش فى جيبه ونبلغ عنه

الحارسالثانى : إيه رأيك يا هاملت بيه ، إحنا نقتل سعادتك ، ونلبس التهمة لعمك

هاملت : أنتوا شوية اغبية ، أنا فكرت فى فكرة عبقرية ، أنا ح أرنله ، هو حيرنلى ، أنا أفتح عليه وأخلصله رصيده

الحارسان : فكرة عبقرية يا باشا

هاملت ( يخرج موبايله الموتوريلا )


الحارس الأول : أنت معاك موتوريلا يا بيه ؟ أنا معايا نوكيا

الحارس الثانى : وأنا سامسونج

هاملت : اسكت يابنى أنت وهوه ، أنا ح أطلبه أهوه....................... ألو ...... أيوة يا عمى ، أنت فتحت عليا

عمه الملك ( عبر التيلفون ) : نياهاهاها ، أوفيليا قالت لى أنك عايز تنتقم منى ، فقررت أتغدى بيك قبل ما تتعشى بيا
نياهاها نياهاهاهاهاها نياهاهاهاهاهاهاهاها

_________________


الصداقة هي الوردة الوحيدة التي لا أشواك فيها ..

๏° ๏°๏°๏ ๏° ๏°๏°๏ ๏° ๏°๏°๏ ๏° ๏°๏°๏

الصداقة هي الوجه الاخر غير البراق للحب , ولكنه الوجه الذي لا يصدأ
الرجوع الى أعلى الصفحة اذهب الى الأسفل
soma
مشرف
مشرف
avatar

انثى

عدد المساهمات : 365
تاريخ التسجيل : 31/08/2009
العمر : 25

مُساهمةموضوع: رد: هاملت 2008   الأربعاء أكتوبر 07, 2009 10:23 am

هههههههههههههههههههههههههههههههههههه



حلوة اوى
وانت دمرت التاريخ
الرجوع الى أعلى الصفحة اذهب الى الأسفل
deshaelmagic
مشرف عام
مشرف عام
avatar

ذكر

عدد المساهمات : 562
تاريخ التسجيل : 02/09/2009

مُساهمةموضوع: رد: هاملت 2008   الجمعة أكتوبر 09, 2009 7:05 pm


دمرته ليه يا سومه

ما هو اللى جابه لنفسه

اعمل انا ايه دلوقتى

مرسى يا سومه على ردك الجميل

_________________


الصداقة هي الوردة الوحيدة التي لا أشواك فيها ..

๏° ๏°๏°๏ ๏° ๏°๏°๏ ๏° ๏°๏°๏ ๏° ๏°๏°๏

الصداقة هي الوجه الاخر غير البراق للحب , ولكنه الوجه الذي لا يصدأ
الرجوع الى أعلى الصفحة اذهب الى الأسفل
رباب
vib
vib
avatar

انثى

العمل/الترفيه : 21/7/1991
عدد المساهمات : 86
تاريخ التسجيل : 19/09/2009

مُساهمةموضوع: رد: هاملت 2008   السبت أكتوبر 24, 2009 3:50 pm

هههههههههههههههههههه
ديشااااا بفكر اااانك تدينى درس تااااريخ
التاااااريخ بتااااااعك سهل اووووى
الرجوع الى أعلى الصفحة اذهب الى الأسفل
 
هاملت 2008
الرجوع الى أعلى الصفحة 
صفحة 1 من اصل 1
 مواضيع مماثلة
-
» صفقات الأهلي للموسم القادم 2008/2009
» أسعار Bmw 2008 جميع الفئات
» حفل افتتاح دورة الالعاب الاولمبية بكين 2008 |فيديو|
» لعبة فيفا 1996 الى 2008 للتحميل و باتشات فيفا2007
» اسعار السيارات لعام 2008 في السعودية

صلاحيات هذا المنتدى:لاتستطيع الرد على المواضيع في هذا المنتدى
 :: ஜ۩۞۩ஜ شباب اونلاين ஜ۩۞۩ஜ :: ஜ۩ اضحك من قلبك ۩ஜ-
انتقل الى: